Misir prezidenti İordaniya kralı ilə Qəzza barəsində danışdı
Misir prezidenti Əbdülfəttah əs-Sisi və İordaniya kralı II Abdullah telefon danışığı aparıb.
Crossmedia.az xarici mediaya istinadən xəbər verir ki, danışıq zamanı, tərəflər Qəzza zolağında atəşkəsin tam şəkildə həyata keçirilməsi, girovların və məhbusların azad edilməsi, humanitar yardımların artırılması və Fələstin xalqının köçürülmədən ölkənin yenidən qurulmasına başlamağın vacibliyi barədə ortaq mövqe nümayiş etdiriblər.
Həmçinin, İsrailin İordan çayının qərb sahilindəki əməliyyatlarının dayandırılması vurğulanıb. Liderlər ABŞ prezidenti Donald Trampla əməkdaşlıq etməyə hazır olduqlarını bildiriblər.
Fevralın 27-də Misirdə sammitin keçirilməsi planlaşdırılır.
23:24 12.02.2025
Oxunuş sayı: 4520
