Ərəb ölkələrinin də Qəzza üçün planı var
Dünən ABŞ prezidenti ilə görüşən İordaniya Haşimi kralı Abdullah Trampa ərəb ölkələrinin də Qəzza üçün fərqli bir planı olduğunu və bunu həyata keçirilməsinin region üçün daha faydalı olacağını ifadə edib.
Crossmedia.az xarici mətbuata istinadən xəbər verir ki, o, eyni zamanda region üçün hər kəsin faydasına olacaq bir layihənin də ən yaxşı seçim olduğunu, qəzzalıların öz ərazilərindən çıxarılmalarının düzgün olmayacağını və bu məsələdə duruşlarının "açıq" olduğunu da dilə gətirib.
Tramp isə görüş zamanı əmlak agentliyindəki təcrübəsini dilə gətirərək Qəzzanı satın almadıqlarını əksinə onu sahiblənərək Yaxın Şərqdə böyük iş və sabitlik imkanlarının yaradılacağı bir yer halına gətirəcəyini bildirib.
O eyni zamanda belə deyib:
"Qəzza zolağında yaşayanların həyatları boyunca başqa bir alternativləri olmayıb ancaq orda yaşayıblar. Mən düşünürəm ki, başqa alternativləri olsa, orda qalmaq belə istəməzlər. Ora cəhənnəmdir".
Görüşdə Kral Abdullah 2000 yaralı fələstinli uşağı qəbul etdiklərini söyləyib.
Trampın 1948-ci ildən sonra fələstinlilərin kütləvi köçü zamanı İordaniyanın buna qarşı çıxmaması fikrinə qarşı kral Abdullah maraqlı cavab verib. Bu insanlar İordan çayı hövzəsində doğulmuş və bölgə ilə bağı olan insanlar idi." Yəni Qəzzanın sosyal konstruksiyası ilə Qərbi Şəriyyəninki fərqlidir. Bununla Abdullah bin köçə mane ola bilməsələr belə belə bir planın İordaniya üçün qəbul etməyin çətin olduğunu qeyd edib.
Tramp fikrinin bir hissəsində, "Misirdə bir parça İordaniyada da bir parça torpağımız olacaq və burada insanlar rifah içində yaşayacaq deyib.
19:11 12.02.2025
Oxunuş sayı: 4907
