Ermənistanda Simonyandan üzr tələb edirlər
Ermənistan parlamentinin sədri Alen Simonyanın Qarabağ erməniləri ilə bağlı açıqlamaları ölkədə böyük rezonans doğurub.
Məsələ, Simonyanın Qarabağlı jurnalistin “Biz nə vaxt Qarabağa qayıdacağıq?” sualına cavab olaraq “Çevriliş etməməli idiniz, döyüşməli idiniz” deməsi ilə başlayıb.
Crossmedia.az xəbər verir ki, bu barədə xarici KİV yazıb.
Bu açıqlama Qarabağ ermənilərinin kəskin etirazına səbəb olub. Onlar Simonyanı riyakarlıqda ittiham edərək, onun müxtəlif vaxtlarda Qarabağ məsələsinə dair fərqli mövqelər sərgilədiyini xatırladıblar.
Qeyd edək ki, bunun fonunda bir çox ictimai və siyasi xadimlər parlament sədrindən Qarabağ ermənilərindən açıq şəkildə üzr istəməsini tələb edirlər. Hadisənin ölkədə siyasi gərginliyi daha da artıracağı gözlənilir.
Xumar Əhmədova
16:00 12.02.2025
Oxunuş sayı: 4105
