Bu ölkələrdən Rusiyanın Zservers şirkəti və onunla əlaqəli olan 6 şəxsə qarşı SANKSİYALAR
Amerika, Böyük Britaniya və Avstraliya Rusiyanın Zservers şirkəti və onunla əlaqəli olan 6 şəxsə qarşı sanksiyalar tətbiq edib.
Böyük Britaniya Xarici İşlər Nazirliyi açıqlamasında bildirib ki, şirkət zərərveirci proqramdan istifadə edərək müxtəlif qurumlara qarşı kiberhücumlar təşkil edib. Qara siyahıya həmçinin Böyük Britaniyada yerləşən Xhost Internet Solutions provayderi də daxil edilib. Onun Zservers-ə məxsus olduğu və onun tərəfindən idarə edildiyi bildirilir.
Crossmedia.az xəbər verir ki, sanksiya siyahısına salınan şəxslərə aşağıdakı Zservers əməkdaşları daxildir: Aleksandr Bolşakov, Aleksandr Mişin, İlya Sidorov, Dmitri Bolşakov, İqor Odintsov, Vladimir Ananyev. Onların hamısının Amerika, Böyük Britaniya və Avstraliyaya girişi qadağan olunub, bu ölkələrin banklarındakı hesabları dondurulacaq.
Bildirilir ki, Barnaulda qeydiyyatda olan Zservers Avstraliyanın tibbi sığorta şirkəti Medibank Private Limited-dən şəxsi məlumatların oğurlanmasını təşkil edib.
14:50 12.02.2025
Oxunuş sayı: 3004
