Türkiyə: Zəngəzur dəhlizi mütləq AÇILACAQ
Türkiyənin nəqliyyat və infrastruktur naziri Abdulkadir Uraloğlu Orta Dəhlizin ən sürətli və etibarlı nəqliyyat marşrutu olduğunu bildirib.
Crossmedia.az xəbər verir ki, bu barədə xarici KİV məlumat yayıb.
Nazirin sözlərinə görə, bu dəhliz vasitəsilə Çindən Avropaya yük daşınması hazırda 18 gün çəkir, lakin bəzi ekspertlər bu müddətin 14 günə qədər azalacağını proqnozlaşdırır. O, pandemiya və müharibələr fonunda alternativ marşrutların vacibliyini vurğulayıb:
"Suyu sərbəst buraxsanız, ən rahat yolu tapacaq. Türkiyə də məhz bu yol üzərində yerləşir".
Belə ki, nazir Zəngəzur dəhlizi ilə bağlı danışıqlara da toxunub. Onun sözlərinə görə, Azərbaycan və Ermənistan arasındakı gərginliyin aradan qaldırılması, sülh danışıqları və regional təhlükəsizlik əsas prioritetlərdəndir.
"Bu dəhliz mütləq açılacaq. İstər Ermənistan, istərsə də İran üzərindən keçməsi məsələsinə Azərbaycan qərar verəcək. Biz də prosesi diqqətlə izləyirik", – deyə o əlavə edib.
Fatimə Məmmədova
14:10 12.02.2025
Oxunuş sayı: 3574
