Dünyada qüvvələr balansı dəyişir: İki böyük güc arasında qarşıdurma!
ABŞ-la Avropa İttifaqı (Aİ) arasında gərginlik getdikcə artır. Bu, xüsusilə ABŞ- da Donald Trampın hakimiyyətə gəlməsindən sonrakı dövrə təsadüf edir. Brüssel və Vaşinqtpn bir- birilərini qarşılıqlı şəkildə təhdid edirlər.
Münasibətlərin hansı səviyyəyə qədər gərginləşəcəyi və bunun mümkün təsirləri barədə politoloq Aytən Qurbanova Crossmedia.az-a açıqlama verib.
O, Trampın müzakirələrə səbəb olan çıxışlarından birinin Aİ-yə qarşı rüsumların qəbul ediləcəyi ilə bağlı bəyanatının olduğunu bildirib: "Aİ rəsmiləri buna kifayət qədər sərt münasibət bildirərək adekvat şəkildə cavablandırılacağını bildirmişdi. Amma bu cavab Trampın qərarını dəyişmək üçün yetərli olmadı və Avropa İttifaqının polad və alüminium ixracatına 25% gömrük rüsumunun tətbiq edilməsi ilə bağlı sərəncam imzalandı".
Q.Aytən növbəti addım olaraq Aİ tərəfindən ABŞ-nin ən böyük İT şirkətlərinin məhsullarına münasibətdə gömrük rüsumlarının tətbiq olunmasının gözlənildiyini vurğulayıb: "Təbii ki, belə qarşılıqlı addımların atılması münasibətlərdə ciddi böhrana səbəb ola bilər. Hətta bu gərginliyin digər sahələrə də təsir etməsi ehtimalı istisna edilmir. Yeni dünya nizamının formalaşdığı bir mərhələdə qlobal sistemin əsas faktorları arasında belə gərginliyin yaranması qüvvələr balansının dəyişməsi uğrunda mübarizənin aydın təzahürləri olaraq ifadə edilə bilər".
Fatimə Məmmədova
11:41 12.02.2025
Oxunuş sayı: 6411
