Süni intellekt xəbərləri düzgün xülasə etmir
Dörd böyük süni intellekt (AI) chatbotu xəbərləri düzgün xülasə edə bilmir.
Crossmedia.az xəbər verir ki, bu barədə xarici KİV yazıb.
Məlumata görə, BBC saytı OpenAI-ın ChatGPT, Microsoft-un Copilot, Google-nin Gemini və Perplexity AI chatbotlarına öz saytından məzmun təqdim edib və onlardan xəbərlərlə bağlı suallar soruşub. Araşdırma nəticəsində verilən cavabların "əhəmiyyətli dərəcədə yanlış" və təhrif olunmuş olduğu bildirilib.
Belə ki, BBC News-ın baş direktoru Deborah Turness bloq yazısında süni intellektin "sonsuz imkanlar" gətirdiyini, lakin bu alətləri inkişaf etdirən şirkətlərin "odla oynadıqlarını" vurğulayıb.
O, "çətin dövrlər yaşayırıq və nə qədər süni intellekt tərəfindən təhrif olunmuş bir başlıq real həyatda ciddi zərər verəcək"? -deyə qeyd edib.
Fatimə Məmmədova
17:31 11.02.2025
Oxunuş sayı: 3842
