Suriya Rusiya konvoyunun Tartusa girişinə icazə vermədi
Suriya Müdafiə Nazirliyi Rusiya ordusuna məxsus konvoyun Latakiyanın Cəblə rayonundakı Hmeymim aviabazasından çıxaraq Tartusdakı hərbi bazaya daxil olmasına icazə verməyib.
Crossmedia.az xarici KİV-ə istinadən xəbər verir ki, Rusiya ordusuna məxsus 30 texnikadan ibarət konvoy səhər saatlarında Hmeymim bazasından çıxaraq Tartusa doğru hərəkət edib.
Məlumata görə, Suriya Müdafiə Nazirliyinə bağlı hərbi qüvvələr konvoyu Tartusdakı nəzarət-buraxılış məntəqəsində təxminən 8 saat gözlədib.
Qeyd edək ki, Rusiya hərbi texnikası yerli vaxtla saat 17:00 radələrində Cəblədəki Hmeymim bazasına geri qayıtmaq məcburiyyətində qalıb.
Fatimə Məmmədova
15:06 11.02.2025
Oxunuş sayı: 7700
