İran Xəzəryanı ölkələr arasında əməkdaşlığı genişləndirmək istəyir
İran qarşılıqlı fayda əsasında Xəzəryanı ölkələr arasında əməkdaşlığın genişləndirilməsini istəyir.
Crossmedia.az İRNA-ya istinadən xəbər verir ki, dünən İran prezidenti Məsud Pezeşkian Türkmənistan Xalq Məsləhətinin sədri Qurbanqulu Berdiməhəmmədovla telefon danışığı zamanı iki ölkə arasında elektrik və enerji sahələrində əməkdaşlığa toxunaraq deyib:
“İran və Türkmənistan arasında İqtisadi Əməkdaşlıq üzrə Birgə Komissiyanın iclasının davamlı olaraq keçirilməsi əməkdaşlığın inkişafına böyük töhfə verə bilər”.
Söhbət zamanı Xəzəryanı ölkələr arasında əməkdaşlığın vacibliyinə işarə edən Pezeşkian bildirib ki, “İran qarşılıqlı faydanın təmin edilməsi və bölgənin ətraf mühitinin qorunması üçün Xəzəryanı ölkələr arasında əməkdaşlığın genişləndirilməsinin tərəfdarıdır”.
14:41 11.02.2025
Oxunuş sayı: 7032
