Misir Çindən 40 ədəd döyüş təyyarəsi alır
Misir Çinlə yeni silah müqaviləsi imzalayıb. Razılaşmaya əsasən, Misir 300 kilometr mənzilli PL-15E uzaq mənzilli hava-hava raketi də daxil olmaqla, tam təchiz olunmuş 40 ədəd J-10CE döyüş təyyarəsi əldə edəcək.
Crossmedia.az xarici KİV-ə istinadən xəbər verir ki, bu müqavilə Misirin hava qüvvələrinin gücləndirilməsi istiqamətində atdığı mühüm addımlardan biri hesab olunur. J-10CE, yüksək manevr qabiliyyəti və müasir döyüş sistemləri ilə tanınan 4++ nəsil qırıcı təyyarədir.
Qeyd edək ki, son illərdə Misir ordusunun döyüş qabiliyyətini artırmaq məqsədilə müxtəlif ölkələrlə hərbi əməkdaşlığı genişləndirdiyi müşahidə olunur.
08:08 11.02.2025
Oxunuş sayı: 2163
