İlon Mask: "ABŞ BMT-yə həddindən artıq çox vəsait ayırıb"
ABŞ hökumətinin fəaliyyətinin səmərəliliyinin artırılması üzrə agentliyinin (DOGE) rəhbəri İlon Mask ABŞ-ın Birləşmiş Millətlər Təşkilatına (BMT) və onunla bağlı strukturlara həddindən artıq çox vəsait ayırdığını bəyan edib.
Bu barədə Crossmedia.az TASS-a istinadən xəbər verir.
“Amerika BMT-yə və onunla bağlı strukturlara həddindən artıq çox maliyyə ayırır”, – deyə o, X sosial şəbəkəsində yazıb.
Fevralın 4-də ABŞ prezidenti Donald Tramp BMT-nin İnsan Haqları Şurasından (İHŞ) və Fələstinli Qaçqınlara Yardım və İşlər üzrə Yaxın Şərq Agentliyindən (BAPOR) çıxmaq haqqında icraçı sərəncam imzalayıb.
Tramp BMT-ni tənqid edərək, təşkilatın “böyük potensiala malik olduğunu”, lakin uzun illər ərzində bunu reallaşdıra bilmədiyini bildirib. O, həmçinin sərəncamında ABŞ-nin YUNESKO ilə əməkdaşlığının 90 gün ərzində yenidən nəzərdən keçirilməsini tələb edib. Sənəddə qeyd olunub ki, təşkilat özünü islah etməyə qadir olmadığını nümayiş etdirib və son onillik ərzində mütəmadi olaraq İsrail əleyhinə mövqe sərgiləyib.
Gültac Mehdizadə
22:15 10.02.2025
Oxunuş sayı: 7744
