Ukraynada hərbi vəziyyətin ləğvi məsələsinə aydınlıq gətirilib
Ukrayna Müdafiə Nazirliyinin Kəşfiyyat Baş İdarəsinin (GUR) nümayəndəsi Andrey Yusov bildirib ki, hərbi vəziyyətin ləğvi yalnız ölkədəki təhlükəsizlik vəziyyətindən asılı olacaq. Onun sözlərinə görə, bu məsələdə siyasi manipulyasiyalarla deyil, real şəraitlə bağlı qərar veriləcək.
Crossmedia.az xəbər verir ki, bu barədə xarici KİV yazıb.
"Hərbi vəziyyətin taleyi ölkədəki təhlükəsizliyin səviyyəsindən asılıdır. Müharibə başa çatdıqdan sonra bu rejim avtomatik olaraq üç ay ərzində ləğv edilməyəcək", – Yusov vurğulayıb.
Qeyd edək ki, hazırda Ukraynada hərbi vəziyyət və səfərbərlik rejimi qüvvədədir.
Fatimə Məmmədova
21:59 10.02.2025
Oxunuş sayı: 7671
