Ermənistan otellərində namaz otaqları ilə bağlı məlumat təkzib edilib
Ötən həftənin sonunda Ermənistan mediası ölkədə otellərə müxtəlif dinlərin nümayəndələri üçün ayrıca ibadət otağı tələb olunması ilə bağlı xəbərlər yayıb. Lakin az keçməmiş Ermənistanın İqtisadiyyat Nazirliyinin Turizm Komitəsi bu iddiaları təkzib edib.
Crossmedia.az xarici mediaya istinadən xəbər verir ki, komitənin yaydığı rəsmi açıqlamada bildirilir: “Mətbuatda Turizm Komitəsinin sədrinə aid edilən və otellərə müxtəlif dinlərə mənsub şəxslər üçün ayrıca ibadət otaqlarının yaradılması tələbinin irəli sürüldüyünü bildirən məlumatlar həqiqətə uyğun deyil”.
Beləliklə, yayılan xəbərlər rəsmi şəkildə yalanlanıb və Ermənistanda otellər üçün belə bir tələbin olmadığı bildirilib.
Nicat Rüstəmzadə
19:31 10.02.2025
Oxunuş sayı: 8023
