Danimarkadan ABŞ-a şillə kimi cavab: Qrelandaniya qalmaqalı böyüyür
Danimarkanın “Denmarkification” təşəbbüs qrupu Prezident Donald Trampın Qrenlandiyanı Birləşmiş Ştatlara birləşdirmək istəyinə cavab olaraq krallığa ABŞ-nin Kaliforniya ştatını satın almağı təklif edib.
Crossmedia.az xəbər verir ki, bu barədə “Politico” nəşri məlumat yayıb.
Məlumatda kampaniyanın təşəbbüskarı Ksavye Dyutuanın bunun Kaliforniyaya 1 trilyon dollara və ömür boyu “Hollivud tərəfindən ödənilən Danimarka çörək məhsullarının tədarükü” bahasına başa gələcəyini iddia etdiyi bildirilib.
“ ABŞ və “Lego” istehsalçısının nümayəndələri əlaqə saxlamalıdırlar, çünki “çatışmayan hissələrə görə əsəbiləşən uşaqlarla məşğul olmaq onları danışıqlar sahəsində mütəxəssis edib”. Kaliforniya ştatının alınması üçün vəsaitin toplamasına gəldikdə isə bunun kraudfandinq üsulu ilə toplanmasını təklif edirəm”,- deyə o bildirib.
Qeyd edək ki, təşəbbüsçülərin fikrincə Donald Tramp Kaliforniyanı satmağa razı olacaq. Buna səbəb kimi Trampın Kaliforniyanı dəfələrlə ölkənin ən xarabalıq ərazisi adlandırması göstərilir.
Nəzrin Salmanova
16:48 10.02.2025
Oxunuş sayı: 3159
