Paşinyanın hakimiyyəti dövründə kriminal avtoritetlər və qanuni oğrular bəraət alır - NƏŞR
Nikol Paşinyan hökuməti kriminal subkulturaya qarşı “mübarizə apardığını” iddia etsə də, faktlar bunun əksini deyir.
Crossmedia.az xəbər verir ki, bu barədə Ermənistanın “Joğovurd” nəşri yazıb.
Nəşrə görə, Paşinyanın hakimiyyəti dövründə kriminal avtoritetlər və qanuni oğrular ya məhkəmələrdə bəraət alır, ya da azadlığa buraxılır, üstəlik, hakim partiyanın bəzi üzvləri ilə məsələləri müzakirə edirlər.
“Ötən gün Şirak vilayətinin rəisi David Aruşanyanın kriminal avtoritetin oğlunu vilayət bəldiyyəsinin binasına aparıb yanına oturtması və Kadastr Komitəsinin rəhbəri Suren Tovmasyanla məsələni müzakirə etməsi bütün Gümrünü təəccübləndirib. Şəkildə qubernator Aruşanyanın yanında əyləşən şəxs Gümrü bazarının sahiblərindən biri, ən məşhur kriminal avtoritet, “Şaram” ləqəbli Rudik Xocoyanın oğludur. Hakim partiyanın üzvü olan vilayət rəisi onu aparıb yanına oturdub ki, martda keçiriləcək seçkilərdə kriminal aləmin nümayəndələri Paşinyanın partiyası üçün işləsinlər”, - deyə nəşr bildirib.
15:22 10.02.2025
Oxunuş sayı: 3311
