ABŞ USAID-in ləğvini müzakirə edir
ABŞ hökumətinin Beynəlxalq İnkişaf Agentliyinin (USAID) faktiki ləğvi ilə bağlı atdığı addımlar, ölkənin xarici yardım proqramlarına ayrılan çoxmilyardlı vəsaitlərin hansı təşkilatlara paylanacağı sualını gündəmə gətirib.
Crossmedia.az xəbər verir ki, bu barədə xarici KİV yazıb.
Belə ki, ABŞ-nin 2023-cü ildə xarici yardım proqramlarına ayrılan büdcəsi $64,69 milyard olub. Bunun da təxminən üçdə ikisi USAID-in payına düşür.
Əsas xərcləyicilər:
USAID – $42,45 milyard
Dövlət Departamenti – $18,89 milyard (hərbi yardım, qaçqın düşərgələri)
Maliyyə Nazirliyi – $2,18 milyard
Səhiyyə Nazirliyi – $1,9 milyard
Minilliyin Çağırışı Korporasiyası – $0,77 milyard
Sülh Korporasiyası – $0,46 milyar
Paylanma kanalları isə 31% – Amerika QHT-ləri (IRC, Mercy Corps), 46% – Beynəlxalq təşkilatlar (BMT), 12% – Dövlətin birbaşa satınalmaları, 11% – Xarici hökumətlərə birbaşa köçürmələr olub.
Xərcləmə sahələri:
İqtisadi inkişaf – $20,6 milyard
Humanitar yardım – $14,43 milyard
Sülh və təhlükəsizlik – $10,74 milyard
Səhiyyə – $9,85 milyard
Demokratiya və insan hüquqları – $2,64 milyard
Xatırladaq ki, 2022-ci ilə qədər ABŞ-nin beynəlxalq yardım proqramlarının əsas alıcıları arasında İsrail ön planda olub, lakin indi birinci yeri Ukrayna tutub. ABŞ-nin prezidenti Donald Trampın administrasiyası bütün proqramları "Amerika ilk növbədə" prinsipinə uyğunluq baxımından qiymətləndirir, amma prioritetlərin dəyişməsinə baxmayaraq, ölkə hələ də beynəlxalq yardım xərclərində böyük məbləğlərə sahib olacaq.
Qeyd edək ki, hələlik USAID-in "varisi" olacaq dövlət qurumu məlum deyil.
Fatimə Məmmədova
13:46 10.02.2025
Oxunuş sayı: 8168
