Xarici xəbərlər
Zelenskidən müharibənin bitməsi ilə bağlı ŞƏRTLƏR
Zelenski 2025-ci ildə müharibənin başa çatması üçün lazım olan şərtləri açıqlayıb.
Ukraynada müharibənin 2025-ci ildə başa çatması mümkündür, lakin bunun üçün zəruri tədbirlər görülməlidir. Xüsusilə, Rusiyaya qarşı sanksiyalar gücləndirilməli və ölkəmizə təhlükəsizlik zəmanətləri verilməlidir.
Crossmedia.az xəbər verir ki, bunu Ukrayna Prezidenti Volodimir Zelenski Böyük Britaniyanın ITV News telekanalına müsahibəsində bildirib.
Onun sözlərinə görə, Kiyev "yalnız təcavüzün yeni dalğasını təxirə salacaq" münaqişənin dondurulmasını qəbul etməyəcək.
"Əgər Rusiyaya işğal olunmuş əraziləri nəzarətdə saxlamağa icazə verilərsə, Vladimir Putin bunu cəzasızlıq siqnalı kimi qəbul edəcək və bir neçə ildən sonra yenidən müharibəyə başlayacaq. Bizə yeni təcavüzü qeyri-mümkün edəcək real təhlükəsizlik zəmanətləri lazımdır", - Zelenski vurğulayıb.
O, həmçinin qeyd edib ki, ədalətli sülh planı beynəlxalq hüquqa əsaslanmalı və Ukraynanın maraqları nəzərə almalıdır, yalnız üçüncü ölkələr üçün faydalı olmamalıdır.
V.Zelenski 2025-ci ildə müharibəni başa çatdırmaq üçün bütün imkanların yarandığını və ABŞ Prezidenti Donald Trampın da bunu istədiyini əlavə edib.
12:47 10.02.2025
Oxunuş sayı: 8500
