Kanadanın Qarabağla bağlı sanksiyaları Türkiyəni dayandıra bilmədi
Ankara pilotsuz uçuş aparatları və təyyarələr üçün Kanada istehsalı olan elektro-optik sistemləri uğurla əvəzləyib.
Crossmedia.az xəbər verir ki, bu barədə TRT Haber məlumat verib.
"Əvvəllər bizə kamera satmaqdan imtina edən şirkətlər indi bizimlə əməkdaşlıq etmək istəyirlər. Lakin biz artıq Aselsan məhsullarından istifadə edirik. Kanada sanksiyaların baxmayaraq, HAVASOJ layihəsi uğurla başa çatdı",- Demiroğlu deyib.
Xatırladaq ki, Kanada İkinci Qarabağ müharibəsində Azərbaycana dəstəyinə görə Türkiyəyə silah embarqosu tətbiq edib. Bu qərar Kanada şirkətlərinə ciddi iqtisadi ziyan vuraraq onları vacib bir müştəridən məhrum edib.
Bununla belə, Kanada İsveçin NATO-ya üzvlük ərizəsinin ratifikasiyasından sonra embarqonu aradan qaldırıb.
Fatimə Məmmədova
14:59 09.02.2025
Oxunuş sayı: 8538
