Hüquq-mühafizə orqanları
DYP: Magistral yollarda və Bakının bir çox küçə və prospektlərində buzlanma müşahidə edilir
Magistral yollarda və paytaxtın bir çox küçə və prospektlərində hazırda buzlanma müşahidə edilir.
Bu barədə Daxili İşlər Nazirliyinin Baş Dövlət Yol Polisi İdarəsinin Hərəkətin Təhlükəsizliyinin Təbliği və İctimai Qurumlarla Əlaqə şöbəsinin rəisi Rövşən Tağıyev bildirib.
“Əziz sürücülər! Yolun hansı hissələrinin daha çox buzlu və ya sürüşkən ola biləcəyini (kölgəli yerlər, körpülər, yamaclar) nəzərə alın. Buzlu yollarda tormoz məsafəsi artır, buna görə də sürəti azaltmaq vacibdir.
Eyni zamanda öndəki avtomobillərlə aranızda məsafəni artırın”, - R.Tağıyev qeyd edib.
04:27 09.02.2025
Oxunuş sayı: 28880
