Qızıl Xaç: "Məhbus mübadiləsi gizli aparılmalıdır"
Beynəlxalq Qızıl Xaç Komitəsi (BQXK) HƏMAS və İsrail arasında məhbus mübadiləsinin gizli aparılmasına çağırıb.
Crossmedia.az xarici mətbuata istinadən xəbər verir ki, BQXK həmçinin məhbus mübadiləsi şəraitindən narahatlığını bildirib.
BQXK İsrail həbsxanalarından 183, Qəzzadan isə 3 israilli məhbusun azad edilməsi ilə məhbus mübadiləsinin beşinci mərhələsinin tamamlandığını açıqlayıb.
Məhbus mübadiləsi əməliyyatlarının şərtləri ilə bağlı "narahatlıq" olduğunu bildirən BQXK "Biz vasitəçilər də daxil olmaqla, bütün tərəfləri gələcək məhbus mübadiləsinin şərəfli və məxfi şəkildə həyata keçirilməsini təmin etmək üçün məsuliyyət daşımağa çağırırıq" dedi.
Bəyanat da qeyd edilir ki, Qırmızı Xaç məhbus mübadiləsinin gələcək dövrlərini asanlaşdırmağa çalışacaq.
Həmçinin komitə Qəzzaya daha çox humanitar yardımın daxil olması üçün atəşkəsin davam etdirilməsinin vacibliyini vurğulayıb.
Xatırladaq ki, HƏMAS və İsrail arasında əldə olunan atəşkəs və məhbus mübadiləsi razılaşması yanvarın 19-da qüvvəyə minib, ilk beş mərhələdə İsrail həbsxanalarında olan 766 fələstinli və Qəzzadakı 16 İsrailli girov, 5 Taylandlı məhbus azad edilib.
Üç mərhələdən ibarət olacaq atəşkəs razılaşmasına əsasən, 42 günlük ilk mərhələdə ümumilikdə 1900-dən çox fələstinli və 33 israilli məhbusun azad ediləcəyi gözlənilir.
23:21 08.02.2025
Oxunuş sayı: 7804
