HƏMAS rəsmisi: "Qəzzada atəşkəs pozula bilər"
"Qəzzada atəşkəs müqaviləsi pozula bilər"
Crossmedia.az xarici mediaya istinadən xəbər verir ki, bunu Həmas rəsmisi, Basem Naim "Agence France Presse"ə bildirib.
O qeyd edib ki, fevralın 3-nə gözlənilən atəşkəs müqaviləsinin ikinci mərhələsi üzrə danışıqlara hələ başlanmayıb.
Naim, İsraili müqavilə üzrə öhdəliklərini yerinə yetirməməkdə günahlandırıb.
Həmçinin, HƏMAS rəsmisi Qətərdə İsraillə dolayı danışıqlar aparmağa hazır olduğunu və müqavilənin ikinci mərhələsinin detallarını müzakirə etməyi planlaşdırdıqlarını vurğulayıb.
İsrailin baş naziri Benyamin Netanyahu isə fevralın 3-də Vaşinqtona səfəri zamanı ABŞ prezidenti Donald Trampın Yaxın Şərq üzrə xüsusi elçisi Stiven Vitkoffla anlaşmanın ikinci mərhələsi üzrə danışıqlara başlamaq barədə razılığa gəliblər.
Netanyahu daha sonra bəyan edib ki, İsrail həftənin sonuna qədər Qətərə nümayəndə heyəti göndərəcək.
Aybəniz Səfərova
22:09 08.02.2025
Oxunuş sayı: 4033
