Ərdoğan 3 ölkəyə səfər edəcək
Türkiyə Prezidenti Rəcəb Tayyib Ərdoğanın 10-13 fevral 2025-ci il tarixləri arasında Malayziya, İndoneziya və Pakistana rəsmi səfər edəcək.
Crossmedia.az türk mediasına istinadən xəbər verir ki, bu barədə Türkiyənin Kommunikasiyalar üzrə direktoru Fahrettin Altun sosial şəbəkədə paylaşım edib.
"Rəcəb Tayyib Ərdoğan dəvətlərə cavab olaraq 10-13 fevral 2025-ci il tarixləri arasında Malayziya, İndoneziya və Pakistana rəsmi səfərlər edəcək.
Səfərlər zamanı keçiriləcək görüşlərdə adıçəkilən ölkələrlə ikitərəfli münasibətlərimizə hərtərəfli nəzər salınacaq, mövcud əməkdaşlığın konkret layihələrlə daha da inkişaf etdirilməsi üçün birgə addımlar atılacaq.
Hərtərəfli strateji tərəfdaşımız olan Malayziyaya səfərlərindən sonra cənab Prezident həmkarları ilə İndoneziya və Pakistanda keçiriləcək Yüksək Səviyyəli Strateji Əməkdaşlıq Şurasının iclaslarına sədrlik edəcək.
Görüşlər zamanı həmçinin Qəzza başda olmaqla aktual regional və qlobal problemlər ətrafında fikir mübadiləsi aparmaq planlaşdırılır” - paylaşımda qeyd olunub.
19:24 08.02.2025
Oxunuş sayı: 5106
