Ermənistan “müsəlman turistlər”in (azərbaycanlıların) qayıdışına hazırlaşır
Ermənistanın Turizm Komitəsinin rəhbəri Lusine Gevorkyan ölkə otellərində müsəlmanlar üçün xüsusi ibadət yerlərinin ayrılmasının vacib olduğunu bildirib. Əks halda, otellər lisenziyalarını itirmək riski ilə üzləşə bilərlər.
Crossmedia.az xəbər verir ki, bu məsələ otellər sektoru nümayəndələri ilə keçirilən görüş zamanı səsləndirilib və iştirakçılar yeni tələbin indiyə qədər mövcud standartlarda olmamasına təəccübləndiklərini bildiriblər. Bunun Ermənistan ərazisinə azərbaycanlıların qayıdışı ilə əlaqəli ola biləcəyi ehtimalı irəli sürülüb.
Xatırladaq ki, bundan öncə Prezident İlham Əliyev 300 min azərbaycanlının Ermənistandakı doğma yurdlarına qayıtmasının vacibliyini vurğulamışdı.
Nicat Rüstəmzadə
18:08 08.02.2025
Oxunuş sayı: 9846
