Parlament sədri Gürcüstana qarşı ittihamları riyakarlıq kimi qiymətləndirib
Gürcüstan parlamentinin sədri Şalva Papuaşvili sosial şəbəkə hesabında yazıb ki, səhvləri etiraf etmək, zorakı aksiyaları pisləmək və Avropa Demokratiya Fondunun maliyyəsini açıqlamaq əvəzinə, Gürcüstanın ünvanına əsassız ittihamlar eşidirik.
Crossmedia.az xəbər verir ki, Şalva Papuaşvilinin qeyd etdiyinə görə, ATƏT/DTİHB-nin seçkilərlə bağlı hesabatını tanımayan institutların Gürcüstandan gələcəkdə ATƏT/DTİHB hesabatlarını nəzərə almağı tələb etməsi riyakarlıqdır.
"Səhvləri etiraf etmək, zorakı aksiyaları pisləmək və Avropa Demokratiya Fondunun maliyyəsini açıqlamaq əvəzinə, Gürcüstan ünvanına məlumatsız və əsassız ittihamlar səsləndirilməsi təəccüblüdür. Özləri ATƏT/DTİHB-nin seçkilərlə bağlı hesabatını tanımayan institutların bizdən gələcək hesabatları qanunvericilikdə nəzərə almağı tələb etməsi riyakarlıqdır", -deyə Papuaşvili bildirib.
Nicat Rüstəmzadə
15:10 08.02.2025
Oxunuş sayı: 6720
