ABŞ-da gəmidə xəstəlik yayılıb, 100 nəfər xəstələnib
Royal Caribbean kruvaziyer( uzun müddətli dəniz səyahətləri təşkil edən böyük gəmi)gəmisində mədə və bağırsaq xəstəlikləri səbəbindən təxminən 100 nəfər xəstələnib.
Crossmedia.az Haber Global-a istinadən xəbər verir ki, CDC (ABŞ Xəstəliklərin Nəzarət və Profilaktikası Mərkəzləri) hadisə ilə bağlı araşdırma aparır. Yolcular mədə bulantısı, qusma, ishal və qarın ağrısı kimi şikayətlərlə tibb xidmətinə müraciət edib. CDC, bu xəstəliklərin norovirüs kimi bir virusdan qaynaqlanıb-qaynaqlanmadığını araşdırır.
Gəmi 1 fevralda Florida-nın Tampa şəhərindən yola çıxıb, Meksika, Honduras və Belize-yə səfər edəcəkdi. Royal Caribbean rəhbərliyi, xəstəliyin yayılmaması üçün gəmidə təmizlik və dezinfeksiya tədbirlərini artırdıqlarını açıqlayıb. Yolculara əl gigiyenasına diqqət etmələri tövsiyə edilib.
Fidan Hacızadə
13:54 08.02.2025
Oxunuş sayı: 2890
