Olaf Şolts: “ABŞ-nin Beynəlxalq Cinayət Məhkəməsinə sanksiya tətbiq etməsi səhvdir”
Almaniya kansleri Olaf Şolts ABŞ Prezidenti Donald Trampın Beynəlxalq Cinayət Məhkəməsinə (BCM) qarşı sanksiya tətbiq etmək qərarını tənqid edib.
Crossmedia.az xarici KİV-ə istinadən xəbər verir ki, “Beynəlxalq Cinayət Məhkəməsinə sanksiya tətbiq etməyi səhv hesab edirəm,” – deyə Şolts Baden-Vürttemberq federal əyalətinin Lyudvigsburq şəhərində seçki kampaniyası zamanı bildirib.
Almaniya kansleri qeyd edib ki, BCM-ə qarşı sanksiyalar siyasi problemlərin həlli üçün düzgün yanaşma deyil və bu cür addımlar məhkəmənin əsas missiyasına zərər vurur:
“Bu, siyasi problemləri həll etməyin yanlış yoludur. Sanksiyalar diktatorların insanları təqib etməsinin və müharibələr aparmasının qarşısını almağa xidmət edən bir qurumu təhlükə altına atır.”
Qeyd edək ki, ABŞ Prezidenti Donald Tramp Beynəlxalq Cinayət Məhkəməsinə qarşı sanksiyalar tətbiq etmək qərarına gəlib, bu isə beynəlxalq ictimaiyyət arasında tənqidlərə səbəb olub.
Fidan Hacızadə
08:33 08.02.2025
Oxunuş sayı: 8986
