Trampın Qəzza Planı: ABŞ əraziyə sahib çıxacaq?
ABŞ Prezidenti Donald Tramp Ağ Evdə Yaponiyanın Baş naziri Şiqeru İşibanı qəbul edib.
Crossmedia.az xarici mediaya istinadən xəbər verir ki, görüşdən əvvəl jurnalistlərə açıqlama verən Tramp, Qəzza planı ilə bağlı danışıb: “Biz planla irəliləməyə tələsmirik”.
Tramp Qəzzalıların təhlükəsiz alternativləri olduğu halda bölgəyə qayıtmaq istəməyəcəyini, onların digər ölkələrə yerləşdirilə biləcəyini bildirib.
O, ABŞ-nin Qəzza zolağına sahib çıxacağını, ərazini minalardan təmizləyəcəyini və infrastrukturun yenidən qurulmasına cavabdeh olacağını vurğulayıb.
Onun sözlərinə görə, bölgədə yeni və müasir yaşayış məntəqələri inşa ediləcək, geniş iqtisadi inkişaf proqramı həyata keçiriləcək.
Trampın bu açıqlaması beynəlxalq ictimaiyyətdə böyük rezonans doğurub.
Aybəniz Səfərova
00:32 08.02.2025
Oxunuş sayı: 7555
