HƏMAS: İsrail humanitar protokolu təxirə salır
"İsrail sığınacaqlar, çadırlar, dağıntıların təmizlənməsi, yanacaq və bərpa ehtiyaclarına aid humanitar protokolun icrasını gecikdirir"
Crossmedia.az xarici KİV-ə istinadən xəbər verir ki, bunu Həmas sözçüsü Abdellatif əl-Qanou bildirib.
O, vasitəçilərdən səyləri ikiqat artırmağı, protokolun məcburi yerinə yetirilməsini tələb edib.
Əl-Qanou həmçinin, ABŞ Prezidenti Donald Trampın Qəzzadan çıxarılma bəyanatlarını rədd edən ölkələrin mövqeyini təqdir etdiyini və Fələstinin Tramp və Netanyahunun xalqı yerindən qoparma layihəsinə qarşı vahid dayandığını bildirib.
İsrailin müqavilə öhdəliklərini yerinə yetirmədiyini qeyd edən Salame Marouf bildirib ki, Qəzza zolağına gündə 50 yerinə yalnız 15 yanacaq daşıyan maşın daxil olur.
Marouf, bölgəyə daxil olan yardım maşınlarının sayının az olduğunu və atəşkəs qüvvəyə mindikdən sonra üç həftə ərzində yalnız 8,500 maşının Qəzzaya daxil olduğunu vurğulayıb.
İsrail 12,600, BMT isə bu həftə ərzində 10,000-dən çox maşının daxil olduğunu qeyd edib.
21:57 07.02.2025
Oxunuş sayı: 7111
