Ərdoğan və Makron arasında telefon danışığı olub
Türkiyə Prezidenti Rəcəb Tayyib Ərdoğan ilə Fransa Prezidenti Emmanuel Makron arasında telefon danışığı olub.
Crossmedia.az türk mediasına istinadən xəbər verir ki, görüşdə Türkiyə ilə Fransa arasında ikitərəfli əlaqələr, regional və qlobal məsələlər müzakirə edilib.
Ərdoğan, iki ölkə arasında dialoqun artırılmasının əlaqələrə müsbət təsir göstərəcəyini və Türkiyə ilə Fransanın müdafiə sənayesi daxil olmaqla bir çox sahələrdə əməkdaşlıq potensialına malik olduğunu söyləyib.
Ərdoğan, Avropa Birliyinin Suriyaya qarşı sanksiyaları dayandırmasının doğru addım olduğunu qeyd edərək, yeni dövrdə sanksiyaların tamamilə qaldırılmasının vacibliyini bildirib. Eyni zamanda, Türkiyənin Suriyaya verdiyi dəstəyin fasiləsiz davam edəcəyini vurğulayıb.
Prezident, HƏMAS ilə İsrail arasında atəşkəsin qorunub saxlanılmalı və daimi həll üçün səylərə başlanmalı olduğunu əlavə edib.
21:46 07.02.2025
Oxunuş sayı: 4253
