FTX Rusiya hərbçilərinə qarşı terror aktları hazırlayan dörd qadını saxlayıb
Rusiya Federal Təhlükəsizlik Xidməti (FTX) Sevastopol, Voronej və Rostov-na-Donuda yüksək rütbəli hərbçilərə və enerji obyektlərinə qarşı terror aktları hazırlayan dörd qadını saxlayıb.
Crossmedia.az İnterfaks-a istinadən bildirir ki, Ukrayna xüsusi xidmət orqanları tərəfindən verbovka edilən qadınlar partlayıcı maddələr və PUA-larla işləmə təlimi keçib. Axtarışlar zamanı onların yaşadığı ünvanlardan partlayıcı maddələr, detonatorlar və Ukrayna kuratorları ilə əlaqə vasitələri aşkarlanıb.
FTX cinayət işi açıb, saxlanılanlar əməllərini etiraf edib. Onları 30 ilə qədər həbs cəzası gözləyir. Digər iştirakçıların müəyyən edilməsi istiqamətində tədbirlər davam edir.
Gültac Mehdizadə
15:09 07.02.2025
Oxunuş sayı: 3074
