Xameneyidən maraqlı açıqlama: “Əgər amerikalılar bizi təhdid etsələr, biz də onları hədələyəcəyik”
Bu gün İranın ali rəhbəri Əli Xameneyi Hərbi Hava Qüvvələri və Ordunun Hava Hücumundan Müdafiə komandanları ilə görüşündə deyib:
“Əgər amerikalılar bizi təhdid etsə, biz də onları hədələyəcəyik, əgər onlar bizə qarşı təhdidlərini həyata keçirsələr, biz də təhdidimizi reallaşdırarıq, amerikalılar İran xalqının təhlükəsizliyinə hücum edərsə, çəkinmədən onların təhlükəsizliyinə qarşı tədbir görəcəyik”.
Crossmedia.az bu barədə “SNN.ir”-ə istinadən xəbər verir.
Xameneyi bildirib ki, ABŞ rəsmiləri kağız üzərində dünya xəritəsini dəyişirlər, ancaq bu, heç bir reallığa uyğun deyil.
O, eyni zamanda İranın ABŞ ilə danışıqlar aparacağına da münasibət bildirib:
“Elə zənn etməyin ki, o hökumətlə danışıqlar masasına otursaq, hansısa problem həll olunacaq. Xeyr, heç bir problem Amerika ilə danışıqlarla həll olunmayacaq. Niyə? Biz ABŞ və digərləri ilə 2 il danışıqlar apardıq. Razılaşma əldə olundu, ancaq ABŞ-nin hazırkı prezidenti buna əməl etməyib və onu parçalayıb”.
13:43 07.02.2025
Oxunuş sayı: 2870
