Gündəm,Hüquq-mühafizə orqanları
Birinci Qarabağ müharibəsində itkin düşdüyü hesab edilən daha üç şəhid dəfn olunacaq
Bu gün Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilmiş daha üç şəhid dəfn olunacaq.
Crossmedia.az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.
Dəfn olunacaq şəhidlərdən üçü də hərbçi olub.
Tərlan Fikrət oğlu Məmmədov Yevlax şəhəri Şəhidlər xiyabanında, Müşfiq İbrahim oğlu Quliyev Cəbrayıl rayonu Horovlu kənd qəbiristanlığında, Elşən Qubad oğlu Tağıyev isə Salyan rayonu Seyidsadıqlı kənd qəbiristanlığında dəfn olunacaqlar.
10:12 07.02.2025
Oxunuş sayı: 19626
