Rusiya Yaponiya ilə sülh müqaviləsi üzrə danışıqları bərpa etməyə imkan görmür
Rusiya hələ də Yaponiya ilə sülh müqaviləsi üzrə danışıqları bərpa etməyə imkan görmür.
Crossmedia.az Xarici KİV-ə istinadən xəbər verir ki, bu barədə Rusiya Xarici İşlər nazirinin müavini Andrey Rudenko Izvestia nəşrinə müsahibəsində bildirib.
Onun sözlərinə görə, Yaponiya ABŞ və digər NATO ölkələri ilə birlikdə Rusiyanın Uzaq Şərq sahilləri yaxınlığında təxribat xarakterli hərbi fəaliyyətləri artırır və eyni zamanda Kiyev rejiminə birbaşa logistik dəstək verir.
Rudenko qeyd edib ki, Rusiya 2022-ci ilin fevralında xüsusi hərbi əməliyyata başladıqdan sonra Yaponiya hökuməti Rusiya-Yaponiya münasibətlərinin onilliklər ərzində qurulmuş əsaslarını ardıcıl şəkildə dağıtmağa başlayıb.
Nabat Fərzəliyeva
09:18 07.02.2025
Oxunuş sayı: 6242
