Rusiyadan bütün azərbaycanlıların qovulması təklif olunur - ŞOK
Rusiyada nifrət dolu açıqlamaları ilə tanınan ictimai fəal Sergey Mantsayev azərbaycanlılarla bağlı təxribat xarakterli təklif irəli sürüb.
Crossmedia.az xarici KİV-ə istinadən xəbər verir ki, o, Bakıda “Rossotrudniçestvo”nun bağlanmasına cavab olaraq, bütün Azərbaycan vətəndaşlarının ölkədən çıxarılmasını, Rusiya vətəndaşı olan azərbaycanlıların isə həbs edilərək Novaya Zemlyaya göndərilməsini təklif edib.
Mantsayevin sözlərinə görə, Rusiya hökuməti azərbaycanlı diaspor üzvlərini nəzarət altına almalı və Azərbaycan hakimiyyəti ilə daha sıx işləməlidir.
Bu çağırış cəmiyyətdə ciddi narahatlıq doğurub və iki ölkə arasındakı münasibətlərə təsir edə biləcəyi ehtimal olunur. Rəsmi dairələrdən hələlik məsələyə münasibət bildirilməyib.
09:06 07.02.2025
Oxunuş sayı: 6652
