İran səfiri Rusiya sərhədçilərinin İran-Ermənistan sərhədindən çıxarılmasını dəstəkləyib
İranın Ermənistandakı səfiri Mehdi Sobhani Rusiya sərhədçilərinin İran-Ermənistan sərhədindən çıxarılmasını müsbət qiymətləndirib.
Crossmedia.az xəbər verir ki, bu barədə xarici KİV yazıb.
"Bir ölkənin sərhədinin digər ölkənin sərhədçiləri tərəfindən qorunmasının heç bir mənası yoxdur", – səfir bildirib.
Bildirilib ki, Ermənistan hökumətinin bu qərarı 2024-cü ilin martında elan olunub. Oktyabrın 8-də isə Moskva görüşündə Ermənistan baş naziri Nikol Paşinyan və Rusiya Prezidenti Vladimir Putin razılığa gəliblər ki, 2025-ci il yanvarın 1-dən etibarən Ermənistanın Milli Təhlükəsizlik Xidmətinin sərhədçiləri İran və Türkiyə ilə sərhədin mühafizəsində iştirak edəcək və İranla sərhəddə yerləşən keçid məntəqəsində tam nəzarəti ələ alacaqlar.
Xatırladaq ki, Ermənistanın Baş naziri Nikol Paşinyan 2024-cü il dekabrın 30-da İranla sərhəddə yerləşən “Aqarak” keçid məntəqəsində yalnız erməni sərhədçilərinin xidmət etdiyini açıqlayıb.
Fatimə Məmmədova
20:49 06.02.2025
Oxunuş sayı: 3179
