Paşinyan: “Bu ölkə ilə əlaqələri dərinləşdirmək istəyirik”
Ermənistanın Baş naziri Nikol Paşinyan Vaşinqtonda Atlantik Şuranın iclasında deyib:
“Qonşu ölkələrlə malik olduğumuz sərhəddən yalnız İran və Gürcüstanla sərhədlərimiz açıqdır və bu iki ölkə ilə münasibətlər bizim üçün çox əhəmiyyətlidir. İrəvanın İran və Gürcüstanla dərin əməkdaşlığı və əlaqələri var və biz münasibətləri möhkəmləndirmək istəyirik”.
Bu barədə Crossmedia.az İMNA saytına istinadən xəbər verir.
Qonşularla və bölgə ölkələri ilə əlaqələrin genişləndirilməsini İrəvanın prioriteti adlandıran Paşinyan bildirib ki, beynəlxalq vəziyyət bəzi qonşularla münasibətlərin dərinləşməsinə mane olub.
Ermənistanın Baş naziri qeyd edib ki, “İrəvan Türkiyə və Azərbaycanla münasibətlərdə yeni səhifə açmaq istəyir və Bakı ilə sülh sazişi layihəsinin 17 maddəsinin 15-i artıq razılaşdırılıb”.
16:04 06.02.2025
Oxunuş sayı: 2563
