Ukraynanın Kursk həmləsi: “Rusiya müqavimət göstərə bilmir”
Ukrayna Silahlı Qüvvələri (USQ) Rusiyanın Kursk vilayətində yeni hücuma başlayıb və əks-hücum əməliyyatları keçirir.
Döyüşlər Makhnovka ətrafında davam edir, həmçinin yaxın zamanlarda Kruglenkoye bölgəsində əks hücum planlaşdırılır.
Belə ki, Rusiya hərbçilərinin işini çətinləşdirən əsas amil texnikasız irəliləmələri və "ət hücumları" etmələridir. Bu səbəbdən rus hərbçiləri bütün uğurların hədərə gedə biləcəyindən narahatdır.
Rusiya- Ukrayna müharibəsində hazırda ən kritik bölgə, sözsüz ki, Kurskdur. Bəzi analitiklərin fikrincə, müharibənin taleyi məhz Kurskda həll olunur. Belə demək mümkünsə, bölgədə ölüm- dirim savaşı gedir.
Kurskdakı son durum barədə Crossmedia.az-a danışan hərbi ekspert Üzeyir Cəfərovun fikrincə, Kursk Ukrayna üçün xüsusi əhəmiyyətlidir: “Rəsmi Kiyev mümkün danışıqlarda əlinin güc olmasına çalışır. Bunun üçün də Kursk uğrunda ciddi mübarizə gedir. Bir müddət əvvəl Ukrayna Kurskdan geri çəkilmə olmuşdu. Amma son zamanlar əks – hücum əməliyyatları yenidən intensivləşib. Bunun bir neçə səbəbi var. Birincisi, Şimali Koreya qoşunları artıq Kurskdan çıxıb. Bu, Ukraynanın işini asanlaşdırır. İkinci bir tərəfdən, ABŞ Ukraynaya hərbi dəstəyi dayandırsa, silahlar verir. Bu da Ukraynaya kömək edir”.
Ekspertin fikrincə, Rusiyanın işi xeyli çətindir: “Bunu onlar özləri də etiraf edirlər. Ukrayna artıq Kurskda möhkəmlənib. Əsas məqsəd Moskvaya təzyiqdir. Nəzərə almaq lazımdır ki, müxtəlif bəhanalərlə danışıqlardan yayınır. Rusiya başa düşür ki, indi Kurskda Ukraynaya müqavimət göstərmək imkanında deyil. Moskva Kurskla bağlı daha əvvəlki kimi optimist deyil. Bütün bunlar danışıqlar masasında Kiyevin əlini gücləndirə bilər”.
Kənan Novruzov
15:52 06.02.2025
Oxunuş sayı: 4728
