Ərdoğandan 6 fevral zəlzələləri ilə bağlı AÇIQLAMA
Türkiyə Prezidenti Rəcəb Tayyib Ərdoğan 6 fevral zəlzələlərinin ikinci ildönümü ilə bağlı paylaşım edib. O, həyatını itirən 53 537 vətəndaşı rəhmətlə anaraq şəhərlərin bərpasının davam edəcəyini bildirib.
Crossmedia.az xəbər verir ki, bu barədə TRT Haber məlumat yayıb.
"6 fevral zəlzələlərində itirdiyimiz 53 537 vətəndaşımıza Allahdan rəhmət diləyirəm", – deyə Ərdoğan bildirib.
Prezident vurğulayıb ki, şəhərlərin tam bərpası üçün inşa və bərpa işləri davam edəcək:
"İlk gündən etibarən dövlət və millət olaraq 'birlikdəyik' dedik və zəlzələdən zərərçəkən bölgələrdə dəstəyimizi əsla dayandırmadıq".
Qeyd edək ki, 2023-cü ildə baş vermiş zəlzələ nəticəsində 53 mindən çox insan həlak olub. Minlərlə bina dağılıb, yüz minlərlə insan evsiz qalıb.
Fatimə Məmmədova
14:21 06.02.2025
Oxunuş sayı: 3293
