Xarici xəbərlər
Rusiyanın “Oreşnik” raket sistemləri Belarusda yerləşdiriləcək
Rusiyanın “Oreşnik” raket sistemləri Belarusda hər iki ölkə prezidentlərinin əvvəlki razılaşmasına uyğun olaraq yerləşdiriləcək.
Crossmedia.az Rusiyanın TASS agentliyinə istinadla xəbər verir ki, bunu Rusiya Xarici İşlər Nazirliyinin MDB ölkələri üzrə ikinci departamentinin direktoru Aleksey Polişçuk bildirib.
“Rusiya İttifaq dövlətləri təhlükəsizlik konsepsiyasında və 2024-cü ildə təhlükəsizlik zəmanətləri üzrə ikitərəfli dövlətlərarası sazişdə təsbit edilmiş müttəfiq öhdəliklərinə uyğun olaraq Minskə lazımi yardım göstərməyə və müdafiə məkanında ümumi təhlükəsizliyin qorunması üçün addımlar atmağa hazırdır. Rusiyanın “Oreşnik” orta mənzilli ballistik raketləri də Belarusda yerləşdiriləcək”,- deyə o bildirib.
Nəzrin Salmanova
15:20 04.02.2025
Oxunuş sayı: 6917
