Peskov: Tramp Ukraynaya hərbi yardımı satın almağı təklif edib
Rusiya Prezidenti Vladimir Putinin mətbuat katibi Dmitri Peskovun sözlərinə görə ABŞ prezidenti Donald Tramp Ukraynaya ayrılan hərbi yardımı kommersiya əsasına keçirmək niyyətindədir.
Crossmedia.az TASS-a istinadən xəbər verir ki, D.Peskov Trampın Ukraynanın nadir metallarına maraq göstərməsini Kiyevə yardımı satın almaq təklifi kimi qiymətləndirib.
"Bu, Ukraynaya yardımı satın almaq təklifidir. Yəni, əvvəlki kimi ödənişsiz və ya başqa əsasda deyil, məhz kommersiya yolu ilə təmin etmək planlaşdırılır", – Peskov bildirib.
Qeyd edək ki, Tramp daha əvvəl ABŞ-nin Ukraynadan nadir metallar almaq istədiyini açıqlayıb və ABŞ-nin paytaxtı Vaşinqton şəhərinin Kiyevə ayırdığı maliyyənin qarşılığında təminat almaq niyyətində olduğunu bildirib.
Fatimə Məmmədova
14:35 04.02.2025
Oxunuş sayı: 6382
