İsrailin sürgün etdiyi 15 fələstinli Türkiyəyə gətiriləcək
İsrailin həbsdən azad etdiyi və sürgün qərarı verdiyi 15 fələstinli Türkiyəyə gətiriləcək. Onların Misir üzərindən Türkiyəyə gəlməsi planlaşdırılır.
Crossmedia.az TRT HABER-ə istinadən xəbər verir ki, bu proses Türkiyə Prezidenti Rəcəb Tayyib Ərdoğanın tapşırığı ilə həyata keçirilir. Türkiyə atəşkəs razılaşmasına dəstək məqsədilə bu fələstinlilərə təhlükəsiz və rahat həyat şəraiti təmin edəcək.
Atəşkəs razılaşmasına əsasən, bəzi məhbuslar azad edilsə də, onların Fələstinə qayıtmasına icazə verilmir. Bu çərçivədə Türkiyə ilk mərhələdə 15 fələstinlini qəbul edəcək.
Qeyd edək ki, 7 oktyabr 2023-cü ildən bəri davam edən İsrail hücumları nəticəsində Qəzzada 50 mindən çox insan həyatını itirib, 100 mindən çox insan yaralanıb.
Fatimə Məmmədova
14:31 04.02.2025
Oxunuş sayı: 6417
