Xarici xəbərlər
Kanada və ABŞ tarifləri bir ay müddətinə dondurmağa razılaşıb
ABŞ Kanada ilə bağlı daha əvvəl elan edilmiş ticarət tariflərinin tətbiqini 30 gün müddətinə dayandırıb.
Crossmedia.az xəbər verir ki, bu barədə Kanadanın Baş naziri Castin Trüdo “X” sosial şəbəkəsində bildirib.
“Mən indicə prezident Trampla danışdım. Biz birlikdə işləyərkən təklif olunan tariflərə ən azı 30 gün fasilə veriləcək”,- deyə o bildirib.
Qeyd edək ki, fevralın 1-də Tramp Kanada, Çin və Meksikadan gələn mallara gömrük rüsumlarının tətbiq edilməsi haqqında sərəncam imzalayıb. Sənədə əsasən Meksika və Kanadadan idxala 25% (Kanada enerji resurslarına 10%) rüsum qoyulur.
Nəzrin Salmanova
14:15 04.02.2025
Oxunuş sayı: 7322
