Xarici xəbərlər
USAID Gürcüstandakı parlament seçkilərinə 41,7 milyon dollar xərcləyib
ABŞ-nin Beynəlxalq İnkişaf Agentliyi (USAID) Gürcüstanda 2024-cü il parlament seçkilərinə 41,7 milyon dollar xərcləyib.
Crossmedia.az bildirir ki, bu barədə Gürcüstan parlamentinin spikeri Şalva Papuaşvili sosial şəbəkə hesabında yazıb.
Papuaşvili bildirib ki, bu məbləğin ABŞ və Gürcüstan əhalisinin nisbətinə uyğun hesablanması ABŞ-dəkı seçkilərə xaricdən 3,78 milyard dollar xərclənməsi ilə eyni olardı. O əlavə edib ki, ölkələrin ÜDM göstəriciləri əsas götürülsə, bu müqayisə daha da təsirli görünəcək.
Spiker USAID-in bu vəsaitləri necə və nə üçün qeyri-hökumət təşkilatlarına yönləndirdiyini izah etməli olduğunu vurğulayıb. Onun sözlərinə görə, bu təşkilatlar dəfələrlə Gürcüstandakı seçkiləri pozmağa cəhd ediblər.
Gültac Mehdizadə
12:41 04.02.2025
Oxunuş sayı: 6269
