Xarici xəbərlər
ABŞ hökuməti DOGE əməkdaşlarına qarşı qanun pozuntularını araşdıracaq
ABŞ hakimiyyəti hökumətin effektivliyinin artırılması üzrə Departamentin (DOGE) əməkdaşlarına qarşı yönəlmiş qanun pozuntuları ilə bağlı araşdırmaya başlayıb.
Crossmedia.az bildirir ki, bu barədə Kolumbiya dairəsinin prokuroru Edvard Martin bəyanat yayıb.
“Bizə təqdim olunan sübutların ilkin araşdırması göstərir ki, bəzi şəxslər və ya qruplar DOGE əməkdaşlarına qarşı yönəlmiş qanun pozuntularına yol veriblər”, – deyə prokuror qeyd edib.
O bildirib ki, məhkəmə orqanları məsələ ilə bağlı ABŞ Federal Təhqiqat Bürosu (FBI) və digər hüquq-mühafizə qurumları ilə sıx əməkdaşlıq edir və operativ addımlar atacaq.
Məsələ ilə bağlı DOGE departamentinin rəhbəri İlon Mask sosial şəbəkə X-də paylaşım edib.
“DOGE ilə zarafat etmək olmaz”, – deyə Mask yazıb.
Gültac Mehdizadə
11:10 04.02.2025
Oxunuş sayı: 6404
