Çin Trampın ticarət müharibəsinə başlamasına cavab verib
ABŞ prezidenti Donald Trampın ticarət müharibəsini gücləndirmək və bütün Çin məhsullarına 10 faizlik gömrük rüsumları tətbiq etmək qərarına cavab olaraq Pekin ABŞ-nin neft və kənd təsərrüfatı maşınlarına 10 faiz, mayeləşdirilmiş təbii qaz (LNG) və kömürə isə 15 faiz rüsum təyin edib.
Crossmedia.az Bloomberg-ə istinadən bildirir ki, bu barədə Çinin Bazar Tənzimlənməsi üzrə Dövlət Administrasiyası xəbər verir.
Tərkibində volfram olan materiallara da ixrac nəzarəti tətbiq edilib, antiinhisar qanunlarının pozulması ilə bağlı Google -da araşdırma başlanıb , PVH və Illumina etibarsız şirkətlərin reyestrinə daxil edilib.
Çinin Maliyyə Nazirliyi açıqlamasında Tramp administrasiyasının hərəkətlərini pisləyib.
Pekin vurğulayır ki, rüsumların birtərəfli qaydada tətbiqi ABŞ-nin daxili problemlərinin həllinə kömək etmir, eyni zamanda iki ölkə arasında normal iqtisadi və ticarət əməkdaşlığına xələl gətirir.
11:00 04.02.2025
Oxunuş sayı: 9712
