Xarici xəbərlər
Suriya lideri Türkiyəyə səfər edəcək
Suriyanın müvəqqəti prezidenti Əhməd Şara prezident Rəcəb Tayyib Ərdoğanın dəvəti ilə fevralın 4-də Ankaraya səfər edəcək.
Crossmedia.az türk mətbuatına istinadən xəbər verir ki, bu barədə Türkiyə prezident administrasiyasının kommunikasiyalar üzrə idarəsinin rəhbəri Fəxrəddin Altun açıqlama verib.
Prezident Kompleksində keçiriləcək danışıqlarda Suriyadakı son hadisələr bütün aspektləri ilə müzakirə olunacaq.
Fəxrəddin Altunun sözlərinə görə, görüşdə Suriyada iqtisadi canlanma, davamlı sabitlik və təhlükəsizlik üçün iki ölkənin atacağı birgə addımlar qiymətləndiriləcək.
Aybəniz Səfərova
14:36 03.02.2025
Oxunuş sayı: 2750
