Rusiya Ombudsmanı: “Mülki insanlara edilən hücum unudulmayacaq və cəzasız qalmayacaq”
Rusiyanın insan hüquqları üzrə ombudsmanı Tatyana Moskalkova BMT-nin İnsan Hüquqları üzrə Ali Komissarını və bir sıra Avropa təşkilatlarını Rusiyanın sərhədində yerləşən Kursk vilayətinin Sudja şəhərindəki internat məktəbinə edilən hücumu pisləməyə çağırıb.
“Mən BMT-nin İnsan Hüquqları üzrə Ali Komissarından, ATƏT-in Demokratik Təsisatlar və İnsan Hüquqları Bürosunun (DTİHB) direktorundan, Avropa Şurasının baş katibindən və Avropa Şurasının İnsan Hüquqları üzrə Komissarından Kiyev rejiminin insanlığa qarşı törətdiyi cinayəti pisləməyi tələb edirəm”. – deyə o, Teleqram kanalında yazıb.
O, Ukraynanın Sudja şəhərindəki internat məktəbinə raket hücumunu “qanlı təxribat” adlandırıb və bildirib ki, orada “işğalçılar oğurladıqları Rusiya vətəndaşlarını – qadınları, yaşlıları və xəstələri saxlayırdılar”.
Moskalkova vurğulayıb ki, ən həssas insanları sığınacaqda qoruyan mülki obyektə edilən hücum elə bir cinayətdir ki, onu nə qadağan etmək, nə də unutmaq olar. “Əminəm ki, bu cinayəti törədənlər, bütün konvensiya və razılaşmaları cəsarətlə pozanlar sərt şəkildə cəzalandırılacaqlar”. – deyə o əlavə edib.
Günün əvvəlində Rusiya Müdafiə Nazirliyi bildirmişdi ki, Ukrayna qoşunları Sudja şəhərində yerləşən internat məktəbinə qəsdən raket hücumu edərək hərbi cinayət törədib. Nazirliyin məlumatına görə, Rusiya hava hücumundan müdafiə sistemləri Ukrayna ordusunun Sumı vilayətindən Sudja istiqamətində raket buraxdığını qeydə alıb.
Nihat Tahirov
23:19 02.02.2025
Oxunuş sayı: 6308
