Sudanda partlayış baş verib - 54 nəfər ölüb
Sudanda Çevik Dəstək Qüvvələrinin Omdurman şəhərində bazara endirdiyi artilleriya zərbəsi nəticəsində ölənlərin sayı artıb.
Crossmedia.az xarici KİV-ə istinadən xəbər verir ki, bu barədə ölkənin Səhiyyə Nazirliyi məlumat yayıb.
Məlumata görə, hadisə nəticəsində 54 nəfər ölüb, 158 nəfər isə yaralanıb.
XXX
17:31
Sudanın Omdurman şəhərindəki bazarda baş verən partlayış nəticəsində ən azı 40 nəfər həlak olub.
Crossmedia.az TASS-a istinadən xəbər verir ki, bu barədə “Agence France-Presse” məlumat yayıb.
Mənbələr partlayışın arxasında Çevik Dəstək Qüvvələrinin durduğunu bildiriblər.
Digər təfərrüatlar hələlik açıqlanmır.
Sudanda vəziyyət 2023-cü ilin aprelində ölkənin Suveren Şurasının sədri və ordu komandanı Əbdül Fəttah əl-Bürhan ilə Çevik Dəstək Qüvvələrinin rəhbəri Məhəmməd Həmdan Daqalo arasında yaranmış fikir ayrılığı səbəbindən gərginləşib.
Onlar arasındakı əsas ziddiyyətlər vahid silahlı qüvvələrin formalaşdırılması müddəti və metodları, həmçinin baş komandan vəzifəsini peşəkar hərbçinin yoxsa seçilmiş mülki prezidentin icra etməli olması məsələləri ilə bağlıdır.
21:35 01.02.2025
Oxunuş sayı: 11327
