Hadisə
Su polisi əməliyyat keçirdi: saxlanılan var
- Su Nəqliyyatında Polis İdarəsinin İmişli Xətt Polis Məntəqəsinin əməkdaşları tərəfindən nəzarət-profilaktiki tədbirlər davam etdirilir.
- Crossmedia.az Daxili İşlər Nazirliyinə istinadən xəbər verir ki, polis əməkdaşlarının ekologiyaya zərər vuran vasitələrdən istifadə edilməklə qanunsuz balıq ovuna qarşı keçirdikləri tədbirlər zamanı Araz çayının İmişli rayonu ərazisindən keçən hissəsində qanunsuz balıq ovu ilə məşğul olan B.Məhəmmədov saxlanılıb.
- Bildirilir ki, həmin şəxsdən qanunsuz olaraq ovlanmış ümumilikdə 154 ədəd müxtəlif növ balıq, eləcə də ov qurğuları aşkar edilərək götürülüb.
- Faktla bağlı araşdırmalar aparılır.
16:19 01.02.2025
Oxunuş sayı: 8199
