"Ruanda Konqo ilə müharibəyə maraqlı deyil"
Ruanda Konqo Demokratik Respublikasında rejimin dəyişməsində maraqlı deyil, özünü Konqo ərazisində yerləşən yaraqlılardan müdafiə edir.
Crossmedia.az "BBC"yə istinadən xəbər verir ki, bu barədə Ruanda hökumətinin sözçüsü Yolande Makolo bildirib.
“Biz müharibədə, ilhaqda, rejimin dəyişməsində maraqlı deyilik. Ruanda 1994-cü ildə Ruanda soyqırımına görə məsuliyyət daşıyan milislərin Konqoda olmasından narahatdır və “işi bitirmək” istəyir".
O, Konqo hakimiyyətini bu qruplarla əməkdaşlıqda ittiham edib.
Xatırladaq ki, daha əvvəl Konqonun xarici işlər naziri Tereza Kayikvamba bəyan etmişdi ki, Ruanda Konqoda rejim dəyişikliyini təşkil etməyə cəhd edir və onun ərazisinin bir hissəsini qanunsuz olaraq işğal edir. Xarici işlər naziri beynəlxalq ictimaiyyəti Ruandaya qarşı sanksiyalar tətbiq etməyə çağırıb.
10:03 01.02.2025
Oxunuş sayı: 6915
